Si vdiqën 5 pasagjerët? Pjesët kryesore që pritet të zbardhin misterin e nëndetëses “Titan”

Pjesët e nëndetëses “Titan”, të gjetura nga Roja Bregdetare e SHBA, mbajnë çelësin për të shpjeguar se çfarë ndodhi në momentet e fundit me pesë personave në bord.

Nëndetësja e OceanGate Explorations humbi komunikimin me anijen e saj mëmë Polar Prince afërsisht një orë e 45 minuta pas zbritjes së saj në rrënojat e Titanikut më 18 qershor.

5 pasagjerët mbetën me vetëm 96 orë oksigjen dhe u shpallën të vdekur menjëherë pasi bota i shikonte me shpresë se ata mund të gjendeshin të gjallë.

Sipas Mirror, Roja Bregdetare e SHBA-së e përfshirë në kërkim konfirmoi se ata kanë gjetur disa pjesë rrënojash – dhe mbetje njerëzore – të cilat mund të mbajnë çelësin për zbulimin e gabimeve që shkaktuan aksidentin.

Dr Graham-Jones, një profesor i asociuar në Inxhinierinë Mekanike dhe Detare në Universitetin e Plymouth, beson se ishte dritarja e shikimit që ishte lidhja e dobët që çoi në shpërthimin e Titanit. Ai tha se OceanGate kishte llogaritur gabim dhe kishte pajisur anijen me një dritare që nuk ishte e përshtatshme për një zhytje kaq të thellë.

“Unë mendoj se djali që e drejtoi këtë po bënte gabime të mëdha dhe ishte tepër i sigurt në llogaritjet e tij. Do të ishin formuar çarje. Mund të mos ishin parë në fillim, por ato fillojnë të bëhen pak më të mëdha çdo herë përpara se të bëhen një çarje kritike dhe të dështojnë.”- tha ai.