Tripletë medaljesh të arta, Luiza Gega flet pas suksesit në Serbi

Luiza Gega ka arritur një sukses të madh në Kampionatin Ballkanik, që po zhvillohet në Serbi.

Atletja shqiptare, siguroi medaljen e tretë të artë, pasi arriti të fitonte në garën e 3000 metrave me pengesa. Kështu Gega preu edhe zyrtarisht biletën për Olimpiadën e Parisit.

Në një postim në faqen e saj në Instagram, Gega u shpreh e lumtur për këtë sukses të arritur.

“Çdo medalje ka rëndësi dhe e lumtur që arrita të marr 3 të arta për Shqipërinë në Kampionatin Ballkanik, që u zhvillua në Serbi. Vetëm në garën 3000 metra me pengesa tentova të vrapoj pak më shpejt për të kapur kohën e normës olimpike, duke realizuar kohën 9.21. Zyrtarisht preva biletën për në “PARIS 2024”. Dy garat e tjera 3000m dhe 5000m ishin thjesht gara taktike për të fituar medaljen e artë, por me një finish të shpejtë, pasi doja të ndjeja që në këmbët e mia ende ka forcë, edhe pse po bëja 3 gara për dy ditë”, shkruan atletja shqiptare në Instagram.