Raporti: Shqipëria e bekuar me pasuri ujore, por çalon tek kujdesi

Pozita gjeografike pranë detit Adriatik dhe detit Jon, ka bërë që vendi ynë të jetë “i bekuar” nga një pasuri ujore e pashembullt për sipërfaqen që ka dhe numrin e popullsisë.

Veç perlave bregdetare të Jonit Shqipëria ka një pasuri prej 247 liqenesh natyrore, 125 lumenj që rrjedhin nga juglindja drejt veri-perëndimit dhe 15’000 ha sipërfaqe lagunore bregdetare, që shërbejnë si strehë për mbrojtjen, riprodhimin e shumë gjallesave ujore.

Për të ruajtur këto vlera, cilësia e ujërave është tepër e rëndësishme.

Duke u nisur nga ky fakt, por edhe sepse jemi në sezonin turistik Agjencia Evropiane e Mjedisit EEA dhe Komisioni Evropian, ka paraqitur një raport, për cilësinë e vendet ujore të frekuentuara në Evropë.

Sipas të dhënave, raporti synon të ndihmojë qytetarët evropianë të informohen se cilët janë bregdetet, lumenjtë dhe liqenet më të mira dhe të sigurta për tu vizituar.

Sipas raportit, më shumë se 21.000 plazhe monitorohen në Evropë për çdo sezon.

Për sa i përket vendit tonë, janë identifikuar dhe raportuar 108 plazhe të frekuentuara. Plazhet janë klasifikuar duke mbështetur tek dy parametra mikrobiologjikë si “Escherichia coli dhe enterokokët e zorrëve”.

Për fat të keq, nga vëzhgimet e këtij raporti del se rreth 85.2 për qind janë me standardet minimale të cilësisë së përcaktuar, ndërsa 10 të tjera janë me cilësi të dobët.

Gjithashtu, edhe 6 vende ujore janë përcaktuar si pa cilësinë më minimale për frekuentim.

Përveç monitorimit, autoritetet ofrojnë gjithashtu informacione mbi menaxhimin e vendeve ujore të përdorshme në vend.

Nga të dhënat rezultoi se në Shqipëri, 10 dete, rreth 2.5 përqind më pak se në vitin 2015, kur rezultonin rreth 31 bregdete me cilësi të dobët.

Në raport thuhet se ky përmirësim është kryer në baze të pesë impianteve të trajtimit të ujërave të zeza që janë ndërtuar vitet e fundit. Sipas raportit, duhet të shtohen impiante edhe në ujërat me cilësi të varfër, duke përcaktuar një numër më të lartë të deteve cilësore.
Impiantet që janë ndërtuar në Shqipëri dhe përfitimet e tyre.

1. Impianti i trajtimit të ujërave të ndotura në Kavajë me kapacitet 4.500 m3 / ditë, që siguron ujë për 25000 banorë.
2. Impianti i trajtimit të ujërave të zeza në Durrës, i bashkë-financuar nga Banka Evropiane dhe Komisioni Evropian, me kapacitet 60. 000 m3 / ditë, që siguron ujë për 250 000 banorë.
3. Impianti i trajtimit të ujërave të zeza në Sarandë, i bashkë-financuar nga Banka Evropiane dhe Komisioni Evropian, që siguron ujë për 60. 000 banorë, me një kapacitet 12. 240 m3 / ditë.
4. Impianti i trajtimit të ujërave të zeza Shëngjini, i bashkë-financuar nga Banka Evropiane dhe Komisioni Evropian, i cili siguron ujë të pastër për 60 000 banorë dhe ka kapaciteti rreth 12. 240 m3 / ditë.
5. Impianti i trajtimit të ujërave të zeza në Velipojë ka kapacitet 15. 800 m3 / ditë e siguron ujë për pothuajse 50 000 banorë; ajo u dhurua nga Komisioni Evropian në kuadër të programit të Instrumentit për Ndihmë Para-Anëtarësimit (IPA ).

Gjithashtu, raporti shpjegon se në vitin e kaluar, u gjetën gjashtëmbëdhjetë ujëmbledhës përbrenda Liqenit të Ohrit, por këto ujëra nuk mund të klasifikohen cilësorë, pasi nuk janë mbledhur ende mjaft mostra përcaktuese.

Por, pavarësisht ndryshimeve të shumta Shqipëria ka ende shumë për të bërë mbi cilësinë e vendeve ujore të frekuentuara, pasi renditet ndër vendet e fundit në Evropë, shkruan SI.

Në një informacion të përgjithshëm, raporti cilëson se 95.4 përqind të vendeve ujore të frekuentuara, në të gjitha shtetet anëtare të BE-së, i përmbushnin kërkesat minimale. Vendet si Qipro, Malta, Austria dhe Greqia, ishin katër vendet me cilësinë maksimale të plazheve.

Ndërsa, vende të tjera me cilësi të mjaftueshme ishin Letonia, Luksemburgu, Malta, Rumania dhe Sllovenia.

Gjithashtu, në raport u përcaktua se për Francën dhe Spanjën ka pasur një ndryshim në krahasim me vitin 2017, vendet me cilësi të ulët janë zvogëluar në këto dy shtete, ndërsa Italia ka pasur një rritje të ujërave të frekuentuar me cilësi të dobët.