VIDEO: Aksion si në filma, shikoni si Policia e Vlorës ndjek dhe arreston dy adoleshentët që po largoheshin me makinë të vjedhur

Policia e Vlorës ka arrestuar dy adoleshentë të cilët kanë tentuar të largohen me një makinë të vjedhur.

Në pranga është vënë një 22-vjeçar dhe një 17-vjeçar, të cilët vodhën makinën në zonën e Plazhit të Ri në Vlorë dhe tentuan të largoheshin nga qyteti.

Në video dallohet ndjekia e policisë dhe arrestimi i tyre teksa bllokohen në një postbllok të ngritur na blutë.

Njoftimi i policisë dhe video e arrestimit:

Vodhën një automjet në “Plazhin e Ri”, në Vlorë, reagimi në kohë i Policisë bëri të mundur lokalizimin dhe ndalimin pas rreth 30 minutash ndjekjeje, të 2 shtetasve që kishin vjedhur automjetin.

Policia vuri në pranga një 22-vjeçar që drejtonte automjetin e vjedhur dhe një 17-vjeçar që ishte pasagjer në këtë automjet.

Shërbimet e Policisë që patrullonin në territor, për garantimin e rendit dhe sigurisë, morën njoftim për vjedhjen në një lavazh, të një automjeti në  pronësi të shtetasit S. G., në afërsi të “Plazhit të Ri”, Vlorë.

Me marrjen e njoftimit, shërbimet e Komisariatit të Policisë Vlorë dhe forcat “Shqiponja”, falë reagimit në kohë dhe si rezultat i kontrollit të territorit, lokalizuan automjetin dhe u vunë në ndjekje të tij.

Pas rreth 30 minutash ndjekjeje, bënë të mundur bllokimin e automjetit, të cilin po e drejtonte shtetasi A. Z., 22 vjeç dhe kishte pasagjer shtetasin A. H., 17 vjeç, banues në Vlorë.

Në përfundim të veprimeve u bë arrestimi në flagrancë i shtetasit A. Z., 22 vjeç, si dhe nisi procedimi në gjendje të lirë për shtetasin A. H., 17 vjeç, për veprën penale “Vjedhja”, kryer në bashkëpunim.

Back to top button
LAJMET E FUNDIT