“Ping pong” me Fredi Belerin! Kërkoi që të kryente betimin si kryebashkiak, GJKKO “delegon” çështjen

Gjykata e Durrësit do të shqyrtojë kërkesën e Fredi Belerit për t’u lejuar të betohet si kryebashkiak i zgjedhur i Himarës.

Bëhet me dije nga burimet për media se GJKKO ia ka kaluar gjykatës së Durrësit për kompetencë shqyrtimin e kësaj kërkese e cila ka mbërritur këto ditë pranë gjykatës së Durrësit.

Seanca për shqyrtimin e saj nuk është caktuar ende dhe pritet java në vijim për caktimin e datës së saj, ndërsa shorti i ka rënë gjyqtarit Rexhep Bekteshi.

Që prej 12 majit Fredi Beleri është arrestuar për korrupsion aktiv në zgjedhje. Dy javë më parë çështja në ngarkim të tij kaloi për gjykim.