Çfarë nuk u pa pas fitores me Çekinë: Festë në dhomën e zhveshjes, Zaho feston me futbollistët (Video)

Shqipëria fitoi të enjten ndeshjen direkte me Çekinë, duke konsoliduar kështu vendin e parë në grupin E. Tre gola dhe tre pikë me shumë rëndësi në rrugën drejt Euro 2024.

Kjo fitore ka gëzuar gjithë shqiptarët kudo ndodhen ata. Ndërkohë sot Federata Shqiptare e Futbollit ka shpërndarë pamjet nga dhoma e zhveshjes.

Siç duket lojtarët me të drejtë kanë festuar mbi tavolinë. I pranishëm ka qenë edhe Presidenti i FSHF-së, Armand Duka që ka përgëzuar futbollistët për këtë arritje.

Me thirrjen “O sa mirë me qenë shqiptar”, Duka dhe Sylvinho janë shfaqur duke kërcyer pas atij rezultati fantastik. Ndërkohë, dhoma e zhveshjes e kombëtares shqiptare ka pasur edhe një tifoz të veçantë, Zahon, djalin e kryeministrit Edi Rama.

Kujtojmë se Shqipëria fitoi 3-0 me Çekinë në stadiumin “Air Albania”. Një gol e shënoi Asani, ndërsa dy të tjerë Seferi./tvklan.al