“Kokat amerikane” zbarkojnë në Izrael/ Pse misioni i SHBA duket i pamundur?

Pavarësisht mosmarrëveshjeve politike që nganjëherë tensionuan marrëdhëniet midis kryeministrit izraelit Benjamin Netanyahu dhe presidentit amerikan Joe Biden, shpërthimi i luftës në Gaza ka riafirmuar se SHBA-ja dhe Izraeli mbeten të lidhura ngushtë si kurrë më parë.

Ditët e fundit, zyrtarët amerikanë kanë përsëritur mbështetjen e tyre të palëkundur për Izraelin, diplomatikisht, financiarisht dhe ushtarakisht.

Biden, i cili ka kritikuar më parë qeverinë e krahut të djathtë të Netanyahut, ishte i qartë në një fjalim në Shtëpinë e Bardhë së fundmi: “Ne qëndrojmë me Izraelin… Dhe ne do të sigurohemi që Izraeli të ketë atë që i nevojitet për t’u mbrojtur.” SHBA duket se është futur “all in” në këtë konflikt, që nuk i duket fundi në horizont.

Nëndetësja bërthamore

Së fundmi, marina amerikane ka dërguar një nëndetëse me raketa të drejtuara në Lindjen e Mesme. Zbulimi i pazakontë në lidhje me vendndodhjen e anijes, e cila mund të lëshojë raketa bërthamore, sugjeron një shfaqje force që synon të përpiqet të frenojë tensionet rajonale në mes të luftës Izrael-Hamas.

Postimi i mediave sociale nuk përmendi emrin e nëndetëses, por Marina e SHBA ka katër nëndetëse raketash të drejtuara të klasit Ohio, ose SSGN, që janë ish-nëndetëse me raketa balistike të konvertuara për të lëshuar raketa lundrimi Tomahawk në vend të raketave balistike me majë bërthamore.

Çdo SSGN mund të mbajë 154 raketa lundrimi Tomahawk, 50% më shumë se shkatërruesit e raketave të drejtuara nga SHBA dhe gati katër herë sesa janë të armatosura nëndetëset më të reja të Marinës amerikane.Çdo “tomahawk” mund të mbajë deri në 500 kilogramë koka luftarake me eksploziv të lartë.Nëndetëset e klasës Ohio janë pjesë e të ashtuquajturës ‘treshe bërthamore’ amerikane të armëve atomike, e cila përfshin gjithashtu raketa balistike me bazë tokësore dhe bomba bërthamore në bombardues strategjikë.