Provokimi/ Organizata ekstremiste greke poston foto nga kalaja e Himarës
Pjesëtarët e një organizate ekstremiste greke dyshohet se kanë hyrë në territorin shqiptar dhe kanë vizituar Himarën gjatë ditëve të fundit.
Fotografia është përhapur në rrjetet sociale fillimisht e postuar nga grupi ekstremist “Ieros loxos” dhe më pas e rispotuar nga faqe patriotike shqiptare të cilat shprehin shqetësimin për praninë e ekstremistëve grekë në Himarë, raporton newsbomb.al.
Në rrjetet sociale shqiptare i bëhet thirrje institucioneve të shtetit shqiptar të reagojnë lidhur me ngjarjen në fjalë.
Në foton e këtij grupi terroristësh grekë që çojnë mesazhe për luftë, racizëm, dhe çlirimin e të ashtuquajturit Vorio-Epir, duken disa djem me fytyra të mbuluara që pozojnë me flamurin grek.
Në postimin e tyre vihen re mbiemrat Kacifas (Kostandin) dhe Guma (Aristotel) dy minoritarë që ekstremistët grekë pretendojnë se janë vrarë për shkak të bindjeve të tyre. /Newsbobm.al
