“E lanë në rrugë për orë të tëra”/ Dhunimi për vdekje i 18-vjeçarit në Podujevë, avokati: Vrasje mizore

Detaje të reja janë zbardhur në lidhje me vdekjen e 18-vjeçarit Lulzim Fejzullahu në Podujevë, pasi u dhunua barbarisht nga dy persona.

Avokati Meshari Selimaj është shprehur se vrasja e 18-vjeçarit duhet cilësuar si vrasje e rëndë sipas dispozitave të kodit penal, pavarësisht se dy autorët e krimit janë adoleshëntë nën 18 vjeç.

Duke shpjeguar nenet e kodit penal, ai tha se prokurorët e gjyqtarët duhet ta kenë parasysh kur të ngrenë akuzat, se vrasje e rëndë cilësohet vrasja në mënyrë mizore dhe dinake, e njëjtë me atë të 18-vjeçarit. Ai tha gjithashtu se vrasje e rëndë konsiderohet edhe ajo kur pasi autorët e kanë sulmuar viktimën keq, e lënë në vendngjarje dhe largohen pa u interesuar për gjendjen e tij, gjë që sipas tij ka ndodhur edhe në vrasjen e 18-vjeçarit në Kosovë.

“Është dispozita e kodit tonë penal, vrasje në mënyrë mizore dhe dinake. Ligjvënësit e kanë parë që kur viktima është rrahur dhe është lënë jashtë për orë të tëra.

Sipas kodit penal, vrasja mizore është që kur sulmuesit pasi e kanë goditur fortë viktimën, e kanë lënë në vend. Pra pa e ditur nëse do të përmendet ai apo jo. Do të rrijë një orë, 2 orë, apo gjithë natën. Procedura për të mitur është procedurë shumë e shpejtë. Duhet të merren shpejt deklaratat dhe çështja të çohet për gjykim”, tha avokati.