Burri e dhunonte dhe mbikëqyrte me kamera, gruaja: Nuk ka qenë ndonjë gjë kushedi se çfarë! Ça bëj në shtëpinë time është puna ime

Gruja e cila dhunohej dhe monitorohej me kamera nga bashkëshorti i saj është pajisur me urdhër mbrojtje.

Një dosje voluminoze është referuar në prokurorinë e kryeqytetit ku përveç deklarimit të gruas dhe nënës së saj janë dhe materialet filmike të përftuara nga kamerat e sigurisë që vetë dhunuesi i kishte montuar brenda banesës.

Ndonëse autoritetet po vijojnë hetimin e rastit iniciuar nga kallëzimi i gruas kjo e fundit përpiqet ta relativizojë dhunën. E kontaktuar nga Top Channel gruaja e ka konsideruar ngjarjen një zënkë të momentit.

Gruaja: Nuk ka qenë ndonjë gjë kushedi se çfarë

A jeni dhunuar ju zonjë?

Gruaja: Jo, pastaj se çfarë bëhet në familjen time, s’ka nevojë të ndërhyjë media. Kamerat i kam vendosur vetë

Pse i vutë kamerat?

Gruaja: Është puna ime moj, për qejf i kam vënë. Ça bëj në shtëpinë time është puna ime

A ndihesh e kërcënuar?

Gruaja: Jo, asnjë lloj kërcënimi

Çfarë marrëdhënie keni pasur ju me të?

Gruaja: Shumë të mirë

Po pse e denoncuat pra?

(Mbyll telefonin)

Por ndryshe nga sa thotë publikisht, para hetuesve gruaja ka treguar se bixhozi, dhe përdorimi i lëndëve narkotike nga i shoqi prishën marrëdhëniet mes çiftit dhe i futën në borxhe. Një ndikim patën dhe familjarët e të shoqit.

Back to top button
LAJMET E FUNDIT