Meta shkeli Kushtetutën? Eksperti i “Venecias”: E kemi një ide të qartë

Ekspertët e Komisionit të Venecias, prej ditës së djeshme vijojnë takimet në Shqipëri, pas kërkesës së mazhorancës për shkarkimin e presidenti Ilir Meta, pasi çdekretoi 30 qershorin, si datën për mbajtjen e zgjedhjeve vendore.

Sot, ekspertët e Komisionit të Venecias kanë zhvilluar një takim me anëtarët e Komisionit të Posaçëm Hetimor për shkarkimin e Presidentit Ilir Meta.

Ndërkohë, në një prononcim për mediat, Kaarlo Tuori, drejtues i delegacionit të Komisionit të Venecias deklaroi në përfundim të takimit me anëtarët e Komisionit Hetimor se tashmë e kanë një ide nëse Presidenti e ka shkelur Kushtetutën dhe në 11 tetor do të dalin me raportin përfundimtar.

“E kemi një ide të qartë, nëse e ka shkelur Presidenti Kushtetutën. Të gjitha takimet kanë qenë produktive, pasi morëm një informacion për të krijuar opinionin që do të dalë në 11 Tetor”, tha Kaarlo Tuori.