“Dhunën e kam parë vetë”/ Nëna e Blerinës flet për sjelljen e Pëllumb Metës: Vajzës i ka deformuar hundën, atë nuk e linin nervat

Ka folur ditën e sotme për mediat nëna e Blerina Metës, Sanije Tuga.

Ajo ka treguar se vajza e saj ka qenë e dhunuar sistematikisht nga bashkëshorti i saj i ndjerë Pëllumb Meta.

Sipas saj Pëllumbi rrihte të bijën për gjëra të kota dhe pa rëndësi dhe se hundën ia ka deformuar, pasi herë pas here e kur e dhunonte, e godiste në hundë.

Sanija: Kapej për gjëra të kota, ashtu i thotë mendja, s’ke çfarë i bën më, derisa ka shkuar ngjarja deri tani. Burri thoshte nuk ka nga shkon gruaja, nuk ka nga ik. Blerina nuk më ka treguar asnjë gjë, as më rrahu, as më torturoi. Ata veç nëse kanë pasur ndonjë gjë mes babë e fëmijë, pale sesi. Nuk di gjë. Pëllumbi ishte mjaft i prapë, atë nuk e linin nervat të binte. Nëse i blinte ndonjë byzylyk apo ndonjë gjë, bukur, pas pesë minutash mund ta rrihte. Pse e le atje, pse nuk e le aty, pse filxhanin aty, pse gotën atje, veç kur të të rrihte. Dhunën e kam parë vetë, hundën e ka të deformuar, duke e goditur 100 herë në hundë.