Netanyahu reagon për herë të parë pas sulmit të Iranit ndaj Izraelit: Jemi të përgatitur për…

Kryeministri izraelit Benjamin Netanyahu tha se Izraeli është i përgatitur për një sulm të drejtpërdrejtë nga Irani.

“Sistemet tona të mbrojtjes janë vendosur; ne jemi të përgatitur për çdo skenar, si në mbrojtje ashtu edhe në sulm”, tha ai në një deklaratë televizive, duke shtuar se Izraeli kishte mbështetjen e Shteteve të Bashkuara dhe “shumë” vendeve.

Hapësira ajrore e Izraelit do të mbyllet për të gjitha fluturimet përpara sulmit të afërt me dron iranian, kanë thënë autoritetet e aviacionit të vendit. Kjo pasi mediat izraelite raportojnë se dronët pritet të mbërrijnë në orën 2 të mëngjesit me kohën lokale.

Një numër dronësh janë parë duke fluturuar nga drejtimi i Iranit mbi provincën Sulaymaniya të Irakut, kanë thënë tre burime të sigurisë për Reuters. Iraku ka njoftuar gjithashtu se do të mbyllë hapësirën e tij ajrore dhe do të pezullojë të gjithë trafikun ajror.