Nga Balliu, tek Tedi Blushi dhe Sali Lushaj/ 12 persona nën hetim për akte dhune në protestën e “Rithemelimit”
Policia ka vënë nën hetim 12 persona, nën akuzë për akte të dhunshme gjatë protestës së djeshme të “Rithemelimit” para Bashkisë Tiranë.
Mes personave të proceduar, është dhe Adriana Kalaja, e cila merr edhe lejen për protestën në emër të Aleancës për Mbrojtjen e Teatrit. Kalaja akuzohet për “Thirrjet publike për veprime të dhunshme”.
Nga ana tjetër, për veprën penale ‘Prishja e qetësisë publike’ dhe ‘Shkatërrimi i pronës’ janë vënë Tedi Blushi i Partisë së Lirisë, Klevis Balliu i Rithemelimit, Besart Xhaferri kreu i FRPD, si edhe Sali Lushaj, ish-bodygardi i Sali Berishës. Po ashtu, në hetim po për të njëjtat vepra penale janë edhe 7 protestues të tjerë.
Emrat e personave të proceduar:
- 1-Dardan Bardhi, 27 vjeç
- 2-Rubin Dashi, 19 vjeç
- 3-Alfred Pllumbi, 46 vjeç,
- 4-Klodjan Bajrami, 21 vjeç
- 5-Sali Lushaj, 68 vjeç
- 6-Sokol Bushkolaj, 48 vjeç
- 7-Gazmend Sallaku, 53 vjeç
- 8-Besart Xhaferri, 34 vjeç
- 9-Eljan Kaja, 22 vjeç
- 10-Tedi Blushi, 39 vjeç
- 11-Klevis Balliu, 34 vjeç
- 12-Adriana Kalaja, 59 vjeçe