Nga “gafat” e ngjashme me Biden, tek lidhjet jashtëmartesore dhe “miqësia” e vjetër me Trump/ Të pathënat e Kamela Harris
Kamela Harris synon të pasojë Joe Biden si kandidate e më pas Presidente e SHBA-ve në Shtëpinë e Bardhë.
Pasi qëndroi për 4 vite pas hijes së tij, ajo tashmë kërkon që të shkëlqejë vetë, por duke se gjatë kësaj kohe, ka marrë disa “huqe” nga Biden.
Mediat e huaja nuk ngurojnë të vënë në dukje se ashtu si shefi i saj Joe Biden, Kamala Harris është e njohur për gafat dhe fjalimet e saj “kaotike”. Oratoria e saj është vënë disa herë në “diskutim”, për shkak të fjalive të pakuptimta që ka shqiptuar.
Një nga rastet ka qenë edhe kur Harris ngatërroi Korenë e Veriut dhe Jugut, e po ashtu kritikohet se ka një sens humori… në vendin dhe kohën e gabuar! Gabimisht ajo tha se 220 milionë amerikanë vdiqën nga Covid-19, ndërsa mbahet mend se ka thënë duke qeshur se të rinjtë e moshës 18 deri në 24 vjeç janë ‘me të vërtetë budallenj’.
Harris është e martuar me avokatin e LA, Doug Emhoff, por siç shkruan sot në një artikull “Daily Mail”, ajo është përfolur edhe për një lidhje me demokratin e famshëm të Kalifornisë dhe kryetarin e parë me ngjyrë të San Franciskos Willie Brown, në vitet 1990, kur ai ishte 61 vjeç dhe ajo 31.
Sipas tabloidit britanik, ai i dha asaj dhe shtysën për të arritur karrierën që ka sot.
“Po, unë mund të kem ndikuar në karrierën e saj duke e emëruar në dy komisione shtetërore kur isha kryetar. Dhe sigurisht që e ndihmova në garën e saj të parë për prokurore qarku në San Francisko”, tha Brown në vitin 2019 në moshën 86-vjeçare.
Por, më shumë se një dekadë më parë, vetë Donald Trump dhuroi mijëra dollarë për fushatën e rizgjedhjes së Kamalas, ndërsa ajo ishte prokurore e përgjithshme e Kalifornisë. Tani kandidati republikan këmbëngul se ajo do të jetë edhe më e lehtë për t’u mposhtur se Joe Biden, duke deklaruar: Ajo është kaq patetike.
Ai gjithashtu i ka vënë pseudonimin ‘Laffin’ Kamala Harris. Harris, ka qenë në krah të Biden që kur ai u zgjodh në 2020, dhe tani synon të bëhet femra e parë me ngjyrë që kryeson listën presidenciale të një partie të madhe në SHBA.