Rama: Nuk jam optimist për negociatat. Ka bombardime, ne jemi kopshti

Kryeministri Edi Rama nuk është optimist për atë që do të ndodhë javën e ardhshme në Këshillin Evropian, ku do të diskutohet për negociatat me Shqipërinë dhe Maqedoninë e Veriut.

“A jam optimist? Jo”, është shprehur Rama për median irlandeze, ‘The Irish Times’.

“Nuk ka shumë për të qenë optimist për çfarë po ndodh sot në Evropë. Jam optimist për të ardhmen e vendit (Shqipërisë), por jo për çfarë do të ndodhë javën e ardhshme”, ka deklaruar Rama.

Ai lë të nënkuptohet se qeverisja e tij është në rregull, se korrupsioni, reformat dhe të tjerat që rendit BE për Shqipërinë janë arsye të rreme, pasi sipas Ramës shkaku i refuzimit janë problemet e brendshme të BE, në të cilën tashmë ka “bombardime” siç shprehet ai.

“Ne jemi dëm kolateral. Kur ka bomba diku dhe një kopsht goditet – ne jemi kopshti.”