Pse u vranë dy të rinjtë në Velipojë? Zbardhet dëshmia e kamarierit: Dy vëllezërit Frroku nxorrën armën…

Është zbardhur dëshmia e kamerierit të hotel “Holiday’ në plazhin e Velipojës, ku mbrëmjen e djeshme u vranë dy të rinjtë Ersild Ishmi dhe Arsid Hoxha.

26-vjeçari Zyber Zgrad ka treguar se fillimisht vëllezërit Edmir dhe Gëzim Frroku janë konfliktuar fizikisht me dy viktimat, e më pas ata kanë marrë armën dhe kanë qëlluar në drejtim të tyre. Ai ka pohuar se ka pasur konflikt në datën 28 qershor ku ka qenë i përfshirë Ersild Ishmi. Ky i fundit kanosi me armë kuzhinierin e hotelit

“Fillimisht persanat janë konfliktuar me sende të forta dhe më pas dy vëllezërit Frroku kanë marrë armën e kanë qëlluar në drejtim të Ersild Ishmit dhe Arsid Hoxhës.”-, ka thënë 26-vjeçari.

Vetë i riu është plagosur gjatë konfliktit dhe është paraqitur për të marrë mjekim, në spitalin rajonal të Lezhës. Ai është dëmtuar lehtë në këmbë, me armë zjarri.