Përplasja mes fiseve në Prishtinë, dalin fotot e të plagosurve, u qëllua edhe “koka” e grupit Sekiraqa

Familjet Sekiraqa dhe Capat, të njohura edhe si grupe që janë në konflikt prej kohësh, vazhduan “luftën” e tyre mbrëmjen e djeshme. Pak para mesnatës në rrugën “Gazment Zajmi” në lagjen “Aktash” në Prishtinë dy grupet u përplasën me njëri-tjetrin ku pati dhe breshëri kallashnikovi.

Si pasojë mbeti i vdekur i riu Premtim Gashi, teksa u plagosën dhe pesë persona të tjerë, mes tyre edhe “koka” e grupit Sekiraqa, Salih Sekiraqa, 47 vjeç.

Salih Sekiraqa, Korab Gashi (vëllai i të vrarit Premtim Gashi), Robert Llumnica (29-vjeçar), Fatos Abazi (35-vjeçar) dhe Valdrin Ademi (21-vjeçar), janë pesë të plagosur ku sipas asaj që mediat vendase raportojnë mësohet se Llumnica dhe Ademi janë në gjendje të rëndë.

Në fotot e mëposhtme janë dhe personat e plagosur nga kjo ngjarje.

Mësohet se trupi i pajetë i Gashit u gjet në mes të rrugës teksa poshtë kishte dhe kallashnikovin.

Policia e Kosovës ka nisur hetimet lidhur me këtë ngjarje dhe mbi të plagosurit rëndon akuza e “Vrasjes së rëndë në bashkëkryerje”.

‘