Basha “harron” përplasjet politike dhe i del në mbrojtje Salianjit pas dënimit! Ja veprimi i tij

Teksa PD e Sali Berishës po përgatitet për të mbajtur protestë kundër dënimit të Ervin Salianjit, duket se dhe Lulzim Basha nuk po qëndron “duarkryq”, teksa ish-partneri i tij politik është në qeli.

Deputeti demokrat ka marrë pjesë sot në mbledhjen e Grupit Parlamentar të Partisë Popullore Europiane, në Këshillin e Europës, ku ka ngritur zërin erdhe për arrestimi ne Salianjit. Në një postim në Facebook, ai shprehet se ka diskutuar për disa çështje të rëndësishme mbi gjendjen e shtetit të së drejtës në Shqipëri, si bazament i demokracisë dhe zhvillimit të vendit.

Ai shton se ka marrë si shembull mos respektimin e Gjykatës Kushtetuese për mandatin e Olta Xhaçkës dhe arrestimin e deputetit të opozitës Ervin Salianji me akuzën e kallëzimit të rremë, ndërkohë që vëllai i ish-ministrit Xhafaj rezultoi të ishte i dënuar dhe vetë ministri subjekt i ligjit anti-mafia.

Postimi i plotë i Bashës:

Në mbledhjen e Grupit Parlamentar të Partisë Popullore Europiane, në Këshillin e Europës. Seanca me Sekretaren e Komisionit të Venecias në këtë takim më dha mundësinë të shtroja për diskutim disa çështje të rëndësishme mbi gjendjen e shtetit të së drejtës në Shqipëri, si bazament i demokracisë dhe zhvillimit të vendit.

Nevoja për të çuar përpara vettingun në politikë, të bllokuar nga mazhoranca por i mbështetur në parim nga Komisioni i Venecias; kriza kushtetuese e nxitur nga mosrespektimi i vendimeve të Gjykatës Kushtetuese për mandatin e deputetes Xhaçka, si dhe arrestimi i deputetit të opozitës Ervin Salianji me akuzën e kallëzimit të rremë, ndërkohë që vëllai i ish-ministrit Xhafaj rezultoi të ishte i dënuar dhe vetë ministri subjekt i ligjit anti-mafia, janë çështje që meritojnë vëmendjen e Komisionit të Venecias dhe KiE, për forcuar përpjekjet e përbashkëta në lidhje me sfidat me të cilat përballen shteti i së drejtës, sundimi i ligjit dhe demokracia funksionale në Shqipëri.