VIDEO: Me flaut dhe armë në dorë, ushtarët e Ukrainës urojnë Krishlindjet nga fronti i luftës

Një urim i veçantë për Krishlindje ka ardhur nga forcat speciale të ushtrisë ukrainase ku përmes një video të postuar në You tube, ka dhënë një mesazh të fortë besimi, uniteti dhe pathyeshmërie të shpirtit ukrainas.

Në video shfaqen sekuenca nga lufta që po zhvillohet në Ukrainën e sulmuar prej një viti nga agresori Rus.

Në një fragment shfaqet një sekuesncë emocionuese ku një rekrut i ofron shokut të tij një flaut, të cilin ja kishte dhuruar një vajzë e vogël gjatë evakuimit të një vendbanimi. Ushtari që mori flautin në dorë, përpara se të hiqte dorë nga jeta e tij dhe të t’i bashkohej Forcave Operacionale Speciale të Ukrainës, ka qenë muzikant. Ai merr flautin në dorë dhe fillon të luajë një muzikë.

“Të dashur ukrainas!

Qendra e Rekrutimit të SSO ju uron sinqerisht Gëzuar Krishtlindjet! Kjo festë na kujton forcën e besimit, unitetit dhe pathyeshmërinë e shpirtit ukrainas.

Ne qëndrojmë për të mbrojtur qetësinë tuaj shpirtërore në mënyrë që ju ta kaloni këtë ditë me familjen tuaj, duke mbushur shtëpinë tuaj me ngrohtësi dhe gëzim. Në secilën prej fjalëve tuaja mbështetëse, në çdo lutje për ushtarët tanë, ne ndjejmë forcën e popullit ukrainas.

Kjo Krishtlindje të sjellë paqe në zemrat tona, të forcojë besimin tonë në fitore dhe të na japë forcë të re për të kapërcyer të gjitha pengesat. Kujtojmë bashkëluftëtarët tanë që dhanë jetën për lirinë e atdheut tonë dhe vazhdojmë të luftojmë për të ardhmen e vendit tonë.

Zoti ju ruajtë ju, familjet tuaja dhe Ukrainën tonë vendase. Besojmë se së bashku do të kapërcejmë të gjitha vështirësitë.

Lavdi Ukrainës!” është urimi i dhënë nga ushtria e Ukrainës.