Ramush Haradinaj: Ramën e kam vëlla, por nuk e ka të gjatë pushtetin. Shihemi në gjyq

Kryeministri në detyrë i Kosovës, Ramush Haradinaj ka paralajmëruar kryeministrin e Shqipërisë, Edi Rama, i cili tha se do e padisë në gjykatat e Kosovës.

Ky rast ka të bëjë me një deklaratë të mëhershme të Haradinajt i cili kishte thënë se Hashim Thaçi, Edi Rama dhe Aleksandër Vuçiç do të përfitonin 10 miliardë euro nga ndarja e Kosovës.

Rama ka thënë se këtë deklaratë do e dërgoj Haradinajn në Gjykatë.

“Edi Ramën e kam vëlla. I kam vëllezer e motra të gjithë shqiptarët. Por unë jam kundër ndarjes. Ky ka marrë pjesë në projektin e ndarjes. Ajo ndarja ka pasë me bë dëme në shtetësinë tonë. Pasi që të hapet Kosova e 17 shkurtit nuk ka më kthim pas”, ka thënë Haradinaj.

Haradinaj tregon edhe për shumën e 10 miliardë eurove që kishte thënë se do ndahej mes Ramës, Thaçit dhe Vuçiçit.

“Mbi 10 miliardë euro dëme do i bëheshin Kosovës në rezerva dhe minerale të Trepçës. Gjithsesi ai për momentin është në pushtet por nuk e ka të sigurt që do të qëndrojë dhe mund ta humb atë. Shihemi në gjyq”

Tutje ai shpjegon se si do të përfitonin personalisht personat që do merrnin pjesë në projektin e ndërrimit të territoreve.