Regjistrimi i diasporës në zgjedhjet e 11 majit, ja ku po gabojnë shqiptarët

Kreu i KQZ, Ilirjan Celibashi në një konferencë për media zbuloi disa problematika me të cilat po përballet regjistrimi i diasporës në zgjedhjet e 11 majit.

90% e emigrantëve nga Italia janë refuzuar. Emigrantët gabojnë më shumë tek dokumenti i adresës. Dokumenti i identitetit është fotografuar nga faqja që nuk ka adresën.

Ndërkohë që dokumenti që ngarkojnë duhet të ketë adresën dhe të kenë edhe emrin e zgjedhësit.

Komisioni Qendror i Zgjedhjeve i ka bërë dhe tre propozime Kuvendit të Shqipërisë, sa i takon ndryshimeve shtesë në Kodin Zgjedhor.

Njëri prej tre propozimeve, lidhet me faktin se përveç KQZ, në procesin e numërimit të votës së Diasporës të përfshihen dhe partitë politike.

Tre propozimet e KQZ drejtuar Kuvendit për Kodin Zgjedhor:

-KQZ të bëjë prokurimin për vajtje-kthim të fletës se votimit në diasporë

-Rishikim te afateve për fletën e votimit, të afrohet me 10 ditë regjistrimi i kandidateve për të përgatitur fletën

-Ndryshim i vlerësimit për fletën e votimit, përveç KQZ të përfshihen edhe partitë politike në numërim për diasporën