Albin Kurti, shqiptari që po iu kërkon dëmshpërblimin dhunuesëve historikë
Më në fund, erdhi një shqiptar në krye i cilin po iu kërkon dëmshpërblimin dhunuesëve historikë të shqiptarëve. Ky është Albin Kurti, kryeministri i ri i Republikes Shqiptare të Kosovës.
Zjarri dhe genocidi serb kundër shqiptarëve të Kosovës erdhi më në fund përballë dëmshpërblimit për luftën e fundit dhe genocidin antishqiptar në Kosovë.
Janë 200 vjet beteja me egërsinë serbe dhe egërsinë greke, me të cilën janë ndeshur shqiptarët.
Shqiptarët kanë mbijetuar nga heroika e tyre, sepse kanë qenë të vetëm.
Tanimë jo: tani shqiptarët kanë mbrojtjen e qëndrës së qytetërimit aktual botëror.
Por, dy janë pikat më të prekshme në këtë rrjedhë historike genocidiale: genocidi antishqiptar kundrejt çamëve të Epirit, në vitin 1944, dhe genocidi antishqiptar kundrejt shqiptarëve të Kosovës, në vitin 1998-1999.
Kryeministri i Kosovës, Albin Kurti, nëse e stipulon realisht kërkesën juridike për dëmshpërblimin serb ndaj Kosovës, do të hyjë në historinë e Shqipërisë si i pari kryeministër shqiptar që ka si pikësynim historik ngritjen e dinjitetit edhe personalitetit të popullit shqiptar në Ballkanin Perëndimor.
Por, a do ta nxjerrë dot edhe Shqipëria kryeministrin e saj të parë, i cili duhet të stipulojë kërkesën juridike kundër Greqisë për genocidin vrastar antiçam në Epirin shqiptar?
Kjo pritet për t’u parë pas perfundimit të Reformës në Drejtësi kundër korrupsionit dhe krimit të organizuar në Shqipëri. Sepse sot, i gjithë korrupsioni shtetëror shqiptar është kundër interesit kombëtar.