17-vjetori i Pavarësisë së Kosovës/ Hashim Thaçi dhe Haxhi Shala shfaqen së bashku nga qelitë e Hagës

Në përvjetorin e 17-të të Pavarësisë së Kosovës, ish-presidenti Hashim Thaçi dhe ish-deputeti i Kuvendit të Kosovës, Haxhi Shala kanë uruar së bashku.

Ata u shfaqën përmes një lidhjeje direkte nga Haga, ku u panë të buzëqeshur gjatë bisedës me familjarët e Shalës, nga e cila u shkëput një fotografi.

Djali i Haxhi Shalës, Flakroni, ndau gjithashtu fotografi të të dyve gjatë kohës që ishin pjesë e Ushtrisë Çlirimtare të Kosovës (UÇK) dhe tani që po mbahen padrejtësisht në Hagë.

 “Nga fronti i luftës në 1999 te sfidat e sotme, gjithmonë në shërbim të Kosovës! Historia mund të ndryshojë, por idealet mbeten të pathyeshme. Gëzuar Pavarësinë, populli i Kosovës!” shkroi ai në postimin e tij.