“Kam respekt për presidenten” – Donald Trump pezullon me një muaj tarifat ndaj Meksikës, mes frikës ekonomike nga një luftë tregtare

Presidenti i SHBA-ve, Donald Trump ka thënë se do të heqë tarifat për shumicën e mallrave nga Meksika për katër javë, mes frikës ekonomike nga një luftë tregtare, raporton Sky News.
Kjo është shtyrja e dytë një mujore që Trump njoftoi që kur njoftoi për herë të parë taksat e importit në fillim të shkurtit.
Presidenti amerikan tha se ai e mori vendimin “për respekt” ndaj presidentes së Meksikës.
“Marrëdhënia jonë ka qenë shumë e mirë dhe ne po punojmë fort, së bashku, në kufi, si në aspektin e ndalimit të të huajve të paligjshëm nga hyrja në Shtetet e Bashkuara dhe po ashtu, ndalimit të fentanilit.
Faleminderit presidente Sheinbaum për punën dhe bashkëpunimin tuaj të palodhur,” shkroi ai në Truth Social.
Tarifat shtesë për importet nga Meksika, Kanadaja dhe Kina filluan në fillim të kësaj jave, si pjesë e asaj që Shtëpia e Bardhë i quan përpjekjet për të kufizuar rrjedhën e drogës fentanil.