“Ti Shqipëri më jep nder”, spektakël dronësh në Vlorën e veshur kuqezi për Festën e Pavarësisë (VIDEO)

Zemra e Festës së Pavarësisë së Shqipërisë është padiskutim Vlora ndërsa në këtë ditë të shënuar nuk kanë munguar organizimet e ndryshme.

113 vite pas ngritjes së flamurit shqiptarët zgjodhën pikërisht vendin bregdetar që shënoi historinë kombëtare.

Vlora është veshur kuqezi ndërsa atmosfera është e zjarrtë. Spektakël dronësh në qiell dhe flamujt kuqezi në tokë e kanë bërë këtë mbrëmje magjike.

Atmosfera unike duket edhe në pamjet e publikuara nga Kryeministri Edi Rama në rrjete sociale. Pamjet nga qielli kuqezi me dronët që shkruajnë “Ti Shqipëri më jep nder” janë bërë virale në rrjet.