‘Kauza e teatrit ra’, Xhunga: Prishja e godinës është nisja e fushatës elektorale! Rama do mandatin e tretë

Shumë thonë se prishja e Teatrit Kombëtar ishte instalim i diktaturës por gazetarja Rudina Xhunga thotë se në fakt me prishjen e teatrit nisi fushata elektorale.

Pyetur në News 24 nëse godina duhej shembur, Xhunga tha se nuk e pyeti kush.

“Problemi është që a duhej prishur bëhej para se të prishej, s’ma mori njeri dorën mua, as mendimin, as qendrimin. Nëse do vazhdojmë të zihemi, të shahemi, ngecemi te gërmadhat.

Nuk ka më një kauzë teatri, tani ka një premtim të kryeministrit Rama dhe Veliaj për një teatër të ri dhe nga ana tjetër një premtim për një teatër ashtu siç ishte. Unë mendoj se kur teatri u prish ka nisur akti për fushatën elektorale. Kryeministri Rama sapo ka treguar që do mandatin e tretë dhe do verë vulën e tij në krijimin e teatrit të ri”, u shpreh Xhunga.