Lumi Drin, kërcënim serioz për Shëngjinin

Ekspertët e mjedisit thonë se Lumi Drin i ka humbur ekuilibrat dhe në pjesën fundore është kthyer në një kërcënim për zonën e turistike.Krahas ndotjes, lumi është bërë shkak për erozion në Kune Vain.

Lumi i Drin në Lezhë është kthyer në një kërcënim serioz për zonën turistikë të Shëngjinit.

Krahas ndotjes që po krijon në bregdet, mungesa e prurjeve në këtë lumë është shkaku kryesor i erozionit detar në Kune-Vain.

Alarmi për këtë situatë jepet nga eksperti i mjedisit, Jak Gjini, sipas të cilit ekuilibri i lumit ka humbur prej dekadash dhe mungesa e sentimenteve të ngurta ka rritur frikshëm shkallën e erozionit në bregdet.

“Deti prej vitesh e ka rritur agresivitetin dhe po pushton gjithmopnë pjesën e bregdetit. 2.5 metër çdo vit deti avancon në drejtim të tokës. Kemi avancim mjaft të rëndë, në një vijë bregdeti deri në 2 km nga 2010 deri sot ka avancuar 200 m që i thonë 10 m erozion në vit.”

Që në vitin 1950 kur u zbatua projekti i bonifikimit dhe i kullimit të zonës së Zadrimës në lumin Drin të Lezhës, nuk vjen më asnjë pikë ujë nga rrjedha e lumit të moçëm, por e gjitha kalon në det përmes lumit Buna.

Në shtratin e këtij lumi shkarkohen vetëm kanalet kulluese të zonave të ndryshme, duke bërë që të degradojë në moçal që po sjell pasoja mjaft të rënda në mjedis.