A i prek ligji i ri për pandeminë grumbullimet për Teatrin? Rama nuk e përmend, citon Shekspirin: Budallallëku, ngjitës si sëmundja
Kryeministri Edi Rama, i cili po mban fjalën në Kuvend deklaroi se brenda majit Shqipëria do të jetë tërësisht e hapur, do të happen dhe kufijtë.
“Meqë kështu erdhi kjo punë dhe meqë Shqipëria u kthye në arenën ku përplasen bijtë e Shekspirit me regjimin dhe duke qenë se jemi në një kohë kur përballemi me një sëmundje ngjitëse, po ju kujtoj fjalët e Shekspirit, atyre që kanë zgjedhur që të përfshihen jo për një plan politik, por për një lëndim “budallallëku dhe mençuria ngjiten kollaj si sëmundjet infektive, prandaj zgjidhni me kujdes ata që dëgjoni’ thotë Shekspiri.
Meqë teatrin e politikës e ka pushtuar politika për Teatrin më lejoni t’u them se ky është një lajm shumë i mirë, kur nëse nuk do të kishim bërë gjërat e duhura mund të mos takoheshim këtu por të numëronin humbjet e jetës, plagët e rënda dhe kolapsin në kushtet e një përballje, ku shumë shtete më të zhvilluara se ne e humbën.
Brenda majit Shqipëria do të jetë e hapur tërësisht. Kufijtë e Shqipërisë do të jenë hapur dhe ne do të përgatitemi për sezonin turistik”, tha ai.
“Do të hapemi por jo si tek teatri ku papritur u turr si sheshi tek përsheshi”, tha Rama.