“Shëmti e madhe e Metës…”, Rama reagon për mesazhin e diplomatit që publikoi presidenti

Kryeministri Edi Rama ka folur për herë të parë në OPEN për mesazhin e një diplomati të huaj që publikoi Presidenti i Republikës, Ilir Meta në periudhën kur zgjidheshin anëtarët e rinj të Gjykatës Kushtetuese.

Sipas mesazhi të Publikuar nga Presidenti, diplomati thotë se Rama nuk do ta bllokojë kandidaturën e Marsida Xhaferllarit në listën tjetër për anëtare të Gjykatës Kushtetuese, çka për Presidentin Meta tregon qartë ndikimin e kryeministrit në reformën në drejtësi.

Kryeministri e quajti një shëmti të madhe veprimin e presidentit.

“Bërja e mesazhe publike është një shëmti e madhe për çdokënd dhe jo më për kreun e shtetit. Një shëmti që ndodh vetëm në Shqipëri. E dyta, unë e mora atë informacion, sepse une nuk disponoj kanale televizive në shtëpinë time, sepse dua të mbaj fëmijën e vogël larg nga ekrani sepse bën dëm. Por igurisht I marr informacionet. Nuk e kuptoj ku qëndron problem në atë mesazh. Bëhej fjalë për të votuar në Kuvend dhe jo për të ndryshuar kuadrin ligjor. Ishte qëndrimi politik I shumicës që unë përfaqësoj. Ku qëndron këtu arsyeja për të shitur me një mesazh një marrëdhënie besimi mes kreut të shtetit dhe të një diplomati.”, deklaroi Rama në OPEN.