Isa Mustafa “merr hak”, Vjosa Osmani shkarkohet nga çdo pozicion brenda partisë

Vjosa Osmani është shkarkuar nga çdo poziticion që mbante në LDK pasi Këshilli i Përgjithshëm i LDK votoi nëpërmjet e-mailit.

Osmani doli kundër mocionit të mosbesimit të rrëzimit të qeverisë Kurti si dhe krijimit të qeverisë së Kosovës me kryeministrin Avdullah Hoti nga LDK.

Mustafa propozoi që Vjosa Osmani pasi ka shkelur statutin e partisë të shkarkohet si nënkryetare partie dhe nga anëtare e Kryesisë, ndërkohë në pozicionin e parë të zëvendësohet nga kryeministri Avdullah Hoti.

Nuk dihet nëse do vijojë të mbajë postin e kryeparlamentares. Kujtojmë se gjatë fushatës zgjedhore, Osmani ishte e nominuar për kryeministre nga LDK-ja.