“Më e lehtë të mbash këtë maskë se atë të oksigjenit”, mjeku i njohur jep mesazhin e fortë

Teksa maska tashmë është bërë e detyrueshme në ambientet e mbyllura publike, si një masë për të frenuar përhapjen e Covid-19, vjen një tjetër mesazh sensibilizues nga rradhët e bluzave të bardha.

Ka qenë ministrja e Shëndetësisë, Ogerta Manastirliu ajo që ka publikuar në Facebook, mesazhin e mjekut Arben Baboçi, i cili i bën thirrje qytetarëve që të përdorin maskën, për të mbrojtur veten dhe të dashurit e tyre, pasi është më  e lehtë se të mbash maskën e oksigjenit.

Mesazhi i Baboçit: “Është shumë më e lehtë të mbash këtë maskë, se sa maskën e oksigjenit. Bëje për vete, për të dashurit e tu e për të tjerët që të rrethojnë”.

Deri më tani në vend janë shënuar 112 viktima nga Covid-19 dhe janë regjistruar 4,090 të infektuar.