Heronj! Njihuni me mjeken shtatzënë që vijon punën tek Infektivi (FOTO)

Mjekët në vijën e parë të frontit kundër COVID-19 jo vetëm po përmbushin detyrën e tyre me profesionalizëm e maturi, por po sakrifikojnë çdo ditë në shërbim të shëndetit të qytetarëve.

Ministrja e Shëndetësisë dhe Mbrojtjes Sociale, Ogerta Manastirliu sjell një shembull ku sakrifica merr formën e barkut të rrumbullakosur të mjekes që kujdeset për pacientët e saj me COVID-19, ndërsa është tërësisht e veshur me mjetet e mbrojtjes personale për shkak se rreziku është i lartë.

“Heronj”, është komenti i vetëm i ministres Manastirliu.

Mjekët, infermierët dhe personeli tjetër shëndetësor në dy spitalet COVID, por edhe pjesa tjetër e kujdesit shëndetësor parësor që trajton të sëmurët në shtëpi, tashmë kanë muaj që punojnë orar pa orar, duke marrë parasysh edhe rrezikun.