SHBA i dhuron Shqiperisë aq teste Covid-i sa ç’janë bërë gjithsej në Shqipëri që nga Prilli
USAID/Albania i ka dhuruar ISHP-së plot 29.000 teste për Covid-19, si pjesë e ndihmës së Shteteve të Bashkuara për Shqipërinë, në përgjigje të pandemisë.
Një shifër shumë e lartë kjo, nëse e krahasojmë me totalin e testeve që Shqipëria ka bërë në gjithë popullatën, që nga përhapja e pandemisë, rreth 39.000.
Lajmin e ka bërë me dije vetë USAID/Albania përmes rrjeteve sociale, ndërsa Ambasada e SHBA-ve thekson ndihmën e palodhur të Amerikës ndaj vendit tonë dhe gjithë botës.
Që nga shpërthimi i pandemisë, qeveria e Shteteve të Bashkuara të Amerikës ka angazhuar më shumë se 1.5 miliard dollarë ndihmë nëpërmjet Departamentit të Shtetit dhe USAID, posaçërisht me qëllimin për të luftuar pandeminë.