Covid-19/ Mjeku i njohur bën apel: Përdorni maskën e duhur, ose lëreni fare atë muhabet

Lidhur me përdorimin e maskave ka reguar sot edhe mjeku i njohur Ilir Alimehmeti. Përmes një postimi në rrjetet sociale ai është shprehur se jo çdo maskë mund të të mbrojë.

Ai ka postuar një fotografi, e cila shpjegon për çdo lloj maske, se sa përqind të mbron nga virusi. Për Alimehmetin e rëndësishme është distanca.

“Përdorni maskën e duhur në momentin e duhur, ose lëreni fare atë muhabet!,” shkruan ai.

Postimi i plotë

Që ta kemi të qartë!

Jo çdo maskë mbron! Maska nuk është dordolec!

Përdorni maskën e duhur në momentin e duhur, ose lëreni fare atë muhabet!

(Shtesë vetëm për ata që fokusohen në detaje dhe jo në mesazhin e përgjithshëm) Qëllimi i postimit është Mos u ndjeni të mbrojtur apo supermenë vetëm se keni maskë, sidomos maska të tipit “bëje mirë, bëje vetë”! Mbani distancën, se ajo është siguri 100%! Maska nuk është siguri 100%! Asnjë lloj maske!

DISTANCA ESHTE KYÇE