Pronarët e lokaleve të dasmave në Lezhë protestojnë: Të tjerëve po u lejojnë aktivitetin, po na marrin klientët

Pasi qeveria mori vendimin për mbylljen e lokaleve të natës dhe ndalimin e muzikës pas orës 20:00, kjo irritoi jo vetëm artistët por edhe pronarët e lokaleve.

Disa pronarë lokalesh dasmash në Lezhë protestuan sot kundër masave dhe u shprehën se akti normativ nuk respektohet në mënyrë të barabartë dhe se ka selektivitet.

Sipas tyre policia po tregohet e ashpër vetëm me lokalet në Lezhë, por jo në Kurbin e Mirditë.

“Po i zhvillojnë dasmat atje lirisht, madje dhe ato që anulohen në Lezhë i marrin të tjerët,” shprehen ato.

Këta biznese kërkojne vlerësim të situatës dhe trajtim i njëjtë për të gjitha subjektet në të gjithë vendin.

Gjatë 2 javëve të fundit në Lezhë janë ndëshkuar 12 subjekte që ushtronin aktivitet publik duke realizuar dasma, por nuk ka asnjë të ndëshkuar në Kurbin dhe Mirditë.